Դ եկտեմբերի 18-ին «Օրբելի» կենտրոնը և «Հայաստան-Իրան բարեկամության միության» Թավրիզի գրասենյակը տեսակապի միջոցով համատեղ աշխատանքային քննարկում են անցկացրել: Կողմերն ամփոփել են նոյեմբերին «Օրբելի» կենտրոնի կազմակերպած «Հայաստան-Իրան. համագործակցություն և հեռանկարներ» խորագրով աշխատաժողովի արդյունքները, քննարկվել աշխատաժողովի ընթացքում հնչած առաջարկների իրագործման հարցեր: Անդրադարձ է կատարվել երկկողմ և բազմակողմ, մասնավորապես՝ Հայաստան-Իրան-Հնդկաստան, Հայաստան-Իրան-Վրաստան համագործակցության հնարավորություններին: Պայմանավորվածություն է ձեռք բերվել աշխատանքներ տանել նշված ուղղություններով համագործակցության զարգացման համար: