Գերազանցությամբ ավարտել է Հայաստանի պետական տնտեսագիտական համալսարանի բակալավրիատը՝ Կառավարման ֆակուլտետի «կառավարում/ըստ ոլորտի/» մասնագիտությամբ։ Այժմ սովորում է նույն ֆակուլտետի «Հանրային կառավարում» մագիստրոսական ծրագրում։
Ներկայում ՀՊՏՀ «Ամբերդ» հետազոտական կենտրոնի «Աշխատուժի պահանջարկի բացահայտման և կանխատեսման մոդելներն ու մեխանիզմները՝ ըստ կրթական մակարդակների և վարչատարածքային բաժանման» թեմայով գիտահետազոտական խմբի անդամ է։
Մասնակցել է մի շարք դասընթացների, ծրագրերի և մրցույթների՝ ձեռք բերելով մրցանակներ, վկայականներ։ «Միգրացիան օրակարգային հարց է. սպառնալիքներ և մարտահրավերներ» վերնագրով համահեղինակային հոդվածը ՀՀ ՆԳՆ միգրացիայի և քաղաքացիության ծառայության (ՄՔԾ) կողմից կազմակերպված «Ճամպրուկ 2023» մրցանակաբաշխությանն արժանացել է խրախուսական մրցանակի։
